Ny rettleiar om ansvaret til institusjonane for forskingsetikk

I 2021 oppretta FEK ei arbeidsgruppe for å utarbeida ein rettleiar om arbeidet til institusjonane med forskingsetikk. Eit formål med rettleiaren er å bidra til omgrepsavklaring, og FEK meiner det er formålstenleg å skilja mellom «forskingsetiske spørsmål», «forskingsetiske saker» og «ureielegheitssakar». Eit anna formål er å visa korleis ein institusjon kan arbeida med forskingsetikk i heile organisasjonen.

Det heiter det i innleiinga til rettleiaren, som vart lagt fram på Forskningsetisk forum 2023.

Rettleiaren skal visa kva det vil seia å jobba med forskingsetikk i brei forstand. Den skal også gi inspirasjon og visa til konkrete døme, forklarte Vidar Enebakk i Dei nasjonale forskingsetiske komiteane. Han har utarbeidd rettleiaren saman med kollega Thomas Østerhaug.

– Det me har brukt mykje tid på, er å henta inn og visa til ressursar som kan vera nyttige for dykk, sa Enebakk under forumet.

I Noreg har me dei siste åra hatt eit for sterkt fokus på handtering av vitskapleg ureielegheit, meiner Enebakk, det som då forsvinn, er det førebyggjande arbeidet.

– Me har laga ein rettleiar for korleis institusjonane kan framme god forskingsetikk i praksis.

Østerhaug forklarte korleis rettleiaren er bygd opp, men eit kort kapittel for kvar rolle ved institusjonane.

-Me startar nedst med studentar, kva treng dei? Så går me gjennom kva som kan gjerast av rettleiarar, i forskarfellesskap, hos administrativ støtte osb. heilt opp til institusjonsleiing.

Du finn heile rettleiaren her: Veileder om institusjonenes ansvar for forskningsetikk